Valin-kafatra: Fitadiavana asa any Alemana

Anio aho mba hanoratra momban’ny fitadiavana asa any Alemana arak’izay haiko sy traikefa nananako manokana. Lavalava ihany izy ity fa manantena aho hamaky hatramin’ny farany ianao izay mandalo eto, ary mino koa aho fa mety hanampy anao izay zaraina etsy ambany.

“𝘚𝘭𝘵, 𝘬𝘳𝘬𝘳 𝘮𝘢 𝘷𝘢𝘭𝘢𝘺? 𝘔𝘣𝘢 𝘰𝘮𝘦𝘰 𝘳𝘢𝘩𝘢 𝘮𝘢𝘯𝘫𝘢𝘳𝘺 𝘢𝘯𝘺 𝘮𝘢 𝘢𝘪. 𝘔𝘣𝘢 𝘰𝘮𝘦𝘯𝘢𝘳𝘦𝘰 𝘢𝘴𝘢 𝘢𝘯𝘺 𝘮𝘢 𝘭𝘢𝘰𝘭𝘰 𝘧𝘢 𝘵𝘦𝘯𝘢 𝘵𝘢𝘱𝘢𝘬𝘢 𝘯𝘦𝘪𝘯𝘵𝘺 𝘮𝘢𝘯𝘢𝘧𝘰 𝘢𝘵𝘰 𝘢𝘪. 𝘛𝘴𝘪𝘴𝘺 𝘬𝘢𝘯𝘥𝘳𝘢 𝘮𝘢 𝘢𝘯𝘺? 𝘍𝘢 𝘥𝘦𝘧𝘢 𝘭𝘢𝘴𝘢 𝘮𝘪𝘣𝘢𝘭𝘢𝘣𝘢𝘭𝘢 𝘦𝘳𝘢𝘯’𝘯𝘺 𝘲𝘶𝘢𝘳𝘵𝘪𝘦𝘳 𝘵𝘰 𝘮𝘢𝘯𝘢𝘧𝘰 𝘢𝘵𝘰 𝘢𝘪.”

Ireo no singany amin’ny hafatra miafina voaraiko matetika ao amin’ny Facebook.

𝗩𝗮𝗹𝗶𝗻𝘆: Tsy mbola mpitantana orinasa akory tompoko ny tenako ka afaka manome asa fotsiny toy izao ho anao, fa mbola mikofokofoka sy mikarataka mitady izay mahasoa sy zaka manjary amin’ny fiainana ity koa. 🙂

Fa ny mba azoko omena sy zaraina aminao dia toro-hevitra vitsivitsy izay haiko sy nananako traikefa kely dia kely indrindra. Somary lavalava ilay izy fa manasa anao hamaky hatramin’ny farany fa mety hahasoa anao ihany ilay izy. Izay maharitra hono no vadin’Andriana.

Fanamarihana kely

Tanora ianao ka raiso an-tanana ny hoavinao fa aza mba miandry toloram-potsiny (𝘧𝘢𝘩𝘢𝘻𝘢𝘳𝘢𝘯-𝘥𝘳𝘢𝘵𝘴𝘺 𝘮𝘢𝘮𝘦𝘭𝘺 𝘯𝘺 𝘵𝘢𝘯𝘰𝘳𝘢 𝘢𝘮𝘪𝘯’𝘪𝘻𝘢𝘰 𝘮𝘪𝘩𝘪𝘵𝘴𝘺 𝘪𝘵𝘰 𝘢𝘳𝘦𝘵𝘪𝘯𝘢 𝘪𝘳𝘢𝘺 𝘪𝘵𝘰);
Ianao no mahalala ny zavatra mety aminao fa tsy ny olona hafa;
Ireo zaraina etsy ambany dia mahakasika ny Alemana, fa mino aho hoe tsy dia misy mahasamihafa azy ny amin’ny firenena hafa. Ny “details” sy dingana pitsopitsony samihafa ngamba no mampiavaka fa ny ankapobeny dia mitovy ihany ny ambiny;
Raha misy ny hitanao fa tsy marina na koa mila ampiana, dia alefaso eo amin’ny “commentaire” na koa mailaka, izay mety aminao;
Tsy “consultant” ny tenako na koa tapi-pahaizana amin’io sehatra io fa mba mizara izay tsapako fa mety hanampy ny hafa.

𝘡𝘢𝘳𝘢𝘰 𝘢𝘮𝘪𝘯’𝘯𝘺 𝘩𝘢𝘷𝘢𝘯𝘢 𝘴𝘺 𝘯𝘢𝘮𝘢𝘯𝘢 𝘢𝘮𝘢𝘯-𝘵𝘴𝘢𝘬𝘢𝘪𝘻𝘢 𝘴𝘢𝘰 𝘩𝘢𝘩𝘢𝘴𝘰𝘢 𝘯𝘺 𝘩𝘢𝘧𝘢.

Ireo dingana amin’ny fitadiavana asa any Alemana

𝙄𝙣𝙤𝙣𝙖 𝙖𝙫𝙮 𝙣𝙮 𝙙𝙞𝙣𝙜𝙖𝙣𝙖 𝙖𝙧𝙖𝙝𝙞𝙣𝙖 𝙨𝙮 𝙩𝙨𝙖𝙧𝙖 𝙝𝙤 𝙛𝙖𝙣𝙩𝙖𝙩𝙧𝙖 𝙧𝙖𝙝𝙖 𝙩𝙞𝙖 𝙝𝙞𝙖𝙨𝙖 𝙖𝙣𝙮 𝘼𝙡𝙚𝙢𝙖𝙣𝙖 𝙞𝙖𝙣𝙖𝙤? Ireto no mba azoko lazaina, ary mino aho fa hanome hevitra ho anao hoe aiza sy aiza no tokony hijery sy inona ny tokony hatao:

0. Manamarina ny mari-pahaizana anananao

Ilaina ny mijery sy manamarina hoe mifandraika sy “reconny” any Alemana ve ny mari-pahaizana anananao.

Azo hamarinina ato izany mari-pahaizana izany: Information portal of the German government for the recognition of foreign professional qualifications.

Raha tsy reconnu, dia maka “information” hoe ahoana sy ahoana ny ahazoana ny “reconnaissance” na koa “equivalence”. Ao amin’io tranokala io dia ahazoana fanazavana mahakasika izany na koa eny amin’ny masoivohon’ny Alemana. Tsy nananako traikefa ity iray ity, ka ialana tsiny ra tsy misy lazaina betsaka loatra.

Misy an’izay hoe “Anabin database” izay indray no azo ijerena ny oniversite nianaranao. Afaka mitsidika ireto pejy ireto ny amin’ny fanazavana fanampiny:

Recognition of foreign professional qualifications.

Instructions pour l’utilisation d’anabin (Évaluation des diplômes étrangers)

Accès au marché du travail allemand : reconnaissance

Procédure de reconnaissance

1. Tranokala fitadiavana asa

Raha voamarina fa eken’izy ireo sy raisiny any ny mari-pahaizana sy fihofanana izay anananao dia afaka mitady asa ianao. Isika moa izay dia amin’ny fotoana fampiasana ny teknolojia avolenta, ka ny interneto no toerana itadiavana asa amin’izao vanim-potoana izao.

Betsaka dia betsaka ny “platform en ligne” azonao ampiasaina, fa ny sites nampiasaiko tamin’izany fotoana izany dia natambatro ato:

Job Portals

Tranokala Fitadiavana Asa

Aza mametra ny tenanao amin’ireo fotsiny anefa ianao fa itaro ny fitadiavana, izany hoe mijereva tranokala sy toerana maro samihafa koa. Ampiasao amin’ny tokiny ampiasana azy ny fotoana ato amin’ny interneto fa tsy laozana mijery video tsy ahazoana tombotsoa ireny ao Facebook, Instagram sy TikTok.

2. “Profile professionnel”

Matetika sy ny ankamaroan’ireo tranokala sy “platforme” nozaraina etsy ambony dia mitaky ny fanokafana kaonty sy “profile” ao vao afaka mamaly sy mandefa valiny amin’ilay filazana mipetraka.

3. Profile: Alaviro ny lainga

Fenoy tsara ary hatsarao ny “profile”-nao. Aoka kosa izay zavatra marina ihany no avoaka fa mbola ho tratra ihany io rehefa eny amin’ny “interview”. Alaviro sy fadio ny lainga.

4. CV / Résumé

Amboary tsara ny CV/Résumé dia alefaso sy aparitaho amin’ireo tranokala etsy ambony ary paingory ao amin’ny “profile”-nao ihany koa.

Averiko hatrany fa mba zavatra tena marina sy hainao ary nananao traikefa ihany no haparitaka.

5. Mitady asa

Mitadiava asa izay mety aminao ary koa mifandraika amin’ny mari-pahaizana anananao.

Afaka mamaky ato ianao ny amin’ny hevitra samihafa: Recherche d’emploi en Allemagne.

Fanamarihana ho an’ireo izay vao mivoaka ny oniversite:

Aza dia misafidifidy asa be loatra
Rehefa mahita asa ka itanao fa tsy ahafaty antoka anao dia raiso

Raha vao hiditra ny alemana ianao, dia izay asa ahazoana taratasy mazava sy ahatafidirana ny alemana no raisina. Rehefa tafiditra any indray vao tena mijery sy mitady ny asa “nofinofy” hatrizay.

6. Taratasy fangatahana asa

Mandefasa “application” farak’izay betsaka vitanao isanandro.

Tsy zavatra mora ny mitady asa amin’izao fotoana lalovantsika izao, ka noho izany tena mila mandefa fangatahan’asa betsaka dia betsaka raha tia ahazo asa tianao.

7. Follow-up

Mila manontany sy manaraka hatrany hoe tena voarain’izy ireo ve ny fangatahana sy taratasy nalefanao.

Tsy ilaina kosa anefa ny manoratra sy manontany isaky ny mandeha, fa ohatra hoe tsara ny manao “follow-up” isaky ny 2-3 herinandro.

8. Interview

Manomana tsara rehefa voaantso hanao interview.

Rehefa nahazo valin-teny sy nasaina hanao “interview” miaraka amin’ny mampiasa ianao, dia omany mialoha ny valim-panontaniana izay 90% tsy maintsy hapetrakireo handray anao.

Tsara ihany koa ny manao fikarohana feno mahakasika ilay orinasa. Ny fanoavana izany dia manambara eo anatrehan’ny mampiasa fa tena liana sy nanokana fotoana ianao namantatra mahakasika azy ireo.

Afaka mijery ireny tranokala maro isan-karazany ireny hoe inona avy ny fanontaniana tsy maintsy mipetraka rehefa mamonjy “interview”, ohatra nampiasaiko tamin’izany fotoana izany How To Prepare for an Interview in 11 Steps.

9. Follow-up

Tsara ary tena ilaina ny mandefa fanakasitrahana amin’ny “interview” ary mampiseho ny fahavononana amin’izay mety mbola tokony fantarina bebe kokoa momba anao.

Ny fandefasana azy moa dia arak’izay efa voalaza tetsy ambony.

10. Fifanarahana arak’asa

Rehefa nilamina ny “interview” ka nifanaraka tsara tamin’ny mampiasa ary milamina sy mazava ny zava-drehetra dia ataovy izay ahazoana ny fifanaraha arak’asa (contrat de travail) haingana indrindra.

Miankina amin’iny ny dingana manaraka, ohatra fotsiny izao ilaina amin’ny fangatahana visa hidirana any Alemana io fifanarahana arak’asa io.

11. Visa

Rehefa nahazo ny fifanarahana arak’asa dia manao “demande de visa” hidirana ny alemana amin’ny alalan’ny asa.

Izany hoe “visa” hidirana any “en tant que professionel(le)” no tokony ataonao sy ho azonao. Fanazavana bebe kokoa: Visa de travail pour travailleurs qualifiés.

12. Rehefa tonga any Alemana

Rehefa tonga any alemana ka milamina ny zava-drehetra, izany hoe efa nanomboka niasa dia ovaina ny fahazoan-dalana mipetrak ao Alemana (“permit de residence”). Mangataka ny ho an’ny professionel, Ohatra hoe EU BlueCard raha mahafeno fepetra, na koa hafa.

Fanazavana fanampiny sy bebe kokoa mahakasika ny “Carte bleue européenne”:

Carte bleue européenne

EU Blue Card

Rehefa tafiditra miasa dia ataovy izay hanajana ny asa sy hampiakatra anao sy ny traikefa anananao.

Fiteny alemana sy anglisy

Tsy voatery hoe mahay teny alemana vao afaka miasa any fa na anglisy ara efa mety hahitanao sy hahazoanao asa tsara mahavelona anao sy ny fianakavianao.

Mila mijery sy manontany tsara ny mampiasa fotsiny hoe inona no teny takiany sy ilainy amin’ny asa an-davanandro.

Arakarak’ilay sehatra hiasana koa io, ohatra fotsiny izao misy asa any mitaky ny fahaizana teny alemana amin’ny C1, raha tsy izay dia tsy manome “visa / permit de residence” ny birao misahana ny mpihavy ao alemana.

Bonus

Eo amin’ilay fitadiavana asa sy ny ahazoana ny fifanarahana arak’asa no tena manahirana sy mahakivy ny olona matetika. Mila mafy saina sy tsy mila kivy eo, fa raha vao mahazo “contrat de travail” dia efa azo lazaina hoe mora ny ambiny. Samy nosoran-dreniny menaka io ve ka nahoana ny hafa mahavita sy mahazo fa ianao tsy misy apoaka?

Ho an’ireo izay tia hiasa amin’ny sehatry ny informatika sy fikirakirana ny teknolojia avolenta:

Mamorona kaonty Github/Gitlab ka avohay sy zarao ao ireo “projets” efa nataonao sy nandraisanao anjara.

Izay sy izay ny amin’ny ankapo-beny. Ny lalana nolalovako manokana moa dia azonao vakiana ato amin’ny teny anglisy: My path to EU BlueCard.

Izay sy izay aloha ny azoko lazaina, ka mirary soa sy fahombiaza hatrany.

Rohy samihafa

Ato amin’ity tranokala ity dia feno information ary io agence io no manome information officiel sy manampy be ny amin’ny fidirana miasa any alemana: Métiers en pénurie

Ireto checklist ireto kosa dia mino aho fa hanampy be anao:

Espace téléchargements

Check-list pour travailleurs qualifiés originaires de pays non membres de l‘UE

Travailler en Allemagne : le site web officiel pour la main-d’œuvre qualifiée